CM Bhupesh Baghel ह तिरगा म महात्मा गांधी अउ प्यारेलाल बेलचंदन के प्रतिमा के करीन अनावरण
जय जोहार। सीएम भूपेश बघेल (CM Bhupesh Baghel) ह आज दुर्ग ग्रामीण विधानसभा के दउरा म हे । सीएम ह ग्राम तिरगा म राष्ट्रपिता महात्मा गांधी के प्रतिमा के अनावरण करत हुए दुर्ग ग्रामीण विधानसभा म भेंट मुलाकात कार्यक्रम के सुरुवात करीन । मुख्यमंत्री ह क्षेत्र के लोकप्रिय गांधीवादी नेता अउ पूर्व विधायक दाऊ स्वर्गीय प्यारेलाल बेलचंदन के प्रतिमा के अनावरण करत हुए कुर्मीपारा म सामुदायिक भवन बर भूमिपूजन घलो करीन ।
ए अवसर म सीएम ह दाऊ स्व. प्यारेलाल बेलचंदन के जीवनी म आधारित एक फोल्डर के घलो विमोचन करीन। तिरगा ग्राम म स्वामी आत्मानंद अंग्रेजी माध्यम स्कूल खोले के घोसना करीन अउ स्थानीय सरपंच के मांग म क्षेत्र के विकास बर 25 लाख रुपिया दे के घोसना घलो करे हे । सीएम ह स्थानीय किसान तारकेश्वर के घलो तारीफ करीन । तारकेश्वर ह राजीव गांधी न्याय योजना म धान बेचे ले मिले पइसा म ले 7 हजार रुपिया के रासि मुख्यमंत्री सहायता कोष म दान करत हुए एखर चेक मुख्यमंत्री ल सौंपे रिहीस ।
सीएम ह किहीन कि दाऊ जी के याद ल सहेजके रखे बर तिरगा के उच्चतर माध्यमिक स्कूल अउ खरखरा मोहन्दीपाट सिंचाई परियोजना के नावकरण ओखर नाव म करे हन। सीएम श्री बघेल ह किहीन कि किसान के हित म फइसला लेत हुए अब प्रति एकड़ 20 क्विंटल धान खरीदी करे जाही। हमन ह गौपालक के आय म वृद्धि करे के काम करे हन, जेखर ले साढ़े तीन लाख परिवार लाभांवित होवत हे ।
