मुख्यमंत्री भूपेश बघेल ह दूसर प्रदेश ले घर लहुट रहे छत्तीसगढ़ के लोगन मन के करिन स्वागत

जय जोहार…. लॉकडाउन म आन प्रदेश म फंसे छत्तीसगढ़ के लोगन मन के लहुटने के क्रम ह सुरू हो गे हे। कोरोना वायरस के संक्रमण ल देखत हुये मुख्यमंत्री भूपेश बघेल ह घर वापसी करत लोगन मन के स्वागत करे हे। वो हा कहिन कि क्वारेंटाइन सेंटर म बिताय जवइया 14 दिन ल ओखर धैर्य अऊ संयम के परीक्षा करार दे हे।

मुख्यमंत्री बघेल ह घर लहुट रहे लोगन मन बर जारी वीडियो संदेस म कहिन कि आन प्रदेश म छत्तीसगढ़ के लोग ह फंसे हे, जेखर बर ट्रेन के व्यवस्था ल करे गे हे। राज्य सरकार ह ट्रेन बर राशि ल रेलवे ल जमा कर दे हे। छत्तीसगढ़ म आप अपन घर लहुट रहे हे। आप हमर मन के परिवार के हिस्सा हे। आप मन के स्वागत करत हों।