जय जोहार…. मुख्यमंत्री भूपेश बघेल ह आज रायपुर स्थित नालंदा परिसर के नाम ल बदले के घोसना करे हे।अब एला स्वतंत्रता संग्राम सेनानी अऊ पद्मश्री विभूसित स्व. डॉ. महादेव प्रसाद पाण्डेय के नाम ले जाने जाही। संगेसंग आयुर्वेदिक कॉलेज परिसर, रायपुर म ओखर प्रतिमा लगाये जाने के स्वीकृति घलो दे गे हे।
मुख्यमंत्री भूपेश बघेल ह स्वतंत्रता संग्राम सेनानी डॉ. महादेव प्रसाद पाण्डेय के स्वतंत्रता संग्राम आंदोलन म भूमिका अऊ जनभावना ल ध्यान म रखत हुये ओखर स्मृति ल चिरस्थायी बनाये रखे बर नालंदा परिसर ल ओखर नाम म रखे हे। संगेसंग आयुर्वेदिक कॉलेज परिसर म प्रतिमा ल स्थापित करे जाने के घलो स्वीकृति दे हे।
नालंदा परिसर के नाम पद्मश्री डॉ. महादेव प्रसाद पाण्डेय के नाम म रखे जाने म विधायक विकास उपाध्याय ह मुख्यमंत्री भूपेश बघेल के आभार व्यक्त करे हे। वो हा कहिन कि मुख्यमंत्री ह सब्बो समाज अऊ जाति के लोगन मन के समान रूप ले आदर करत हे।
No Comment! Be the first one.