cm Bhupesh Baghel ह काली रही गौरेला-पेंड्रा-मरवाही जिला के दौरा म, लोकार्पण अऊ भूमिपूजन कार्यक्रम म होही शामिल
जय जोहार…. (cm Bhupesh Baghel) सीएम भूपेश बघेल काली बुधवार के गौरेला-पेंड्रा-मरवाही जिला के दौरा म रही। उहां वे लोकार्पण, भूमिपूजन समेत कई कार्यक्रम म शामिल होही। सीएम बघेल ह काली सर्किट हाउस जांजगीर-चांपा ले बिहनिया 11 बजे प्रस्थान कर पेंड्री पहुंचही। इ
हां ले हेलीकाफ्टर ले दोपहर 12.15 बजे गौरेला-पेंड्रा-मरवाही जिला क ग्राम पंचायत जोगीसार पहुंचही। जिहां सीएम बघेल ह नरवा स्टामडेम के निरीक्षण करही। उहचे महिला स्व सहायता समूह ले मुलाकात करही।
एखर बाद सीएम भूपेश बघेल (cm Bhupesh Baghel) ह हेलीकाफ्टर ले दोपहर 1 एक बजे मरवाही विकासखंड के ग्राम दानीकुंडी म अलग-अलग विकास कार्य के भूमिपूजन अऊ लोकार्पण करही। संगेसंग अलग-अलग योजना के सामग्री अऊ चेक वितरण करही। एखर बाद आमसभा ल संबोधित करही।
सीएम भूपेश बघेल (cm Bhupesh Baghel) ह दोपहर 2.15 बजे दानीकुंडी म सह मूल्य संवर्धन केंद्र के निरीक्षण करही। एखर बाद दोपहर 3.15 बजे अलग-अलग संगठन प्रमुख, समाज प्रमुख, जनप्रतिनिधि, युवा प्रतिनिधिमंडल अऊ अधिकारी मन ले भेंट अऊ चर्चा करही।
