Corona: देश म बीते 24 घंटा म बाढ़ गे 16 हजार ले जादा नवा मरीज, पढो पूरा खबर
जय जोहार…. (Corona) देश म बीते 24 घंटा म कोरोना के 16 हजार ले जादा नवा मरीज के पहचान होय हे। उहचे 20091 संक्रमित मन ल बने होय के अस्पताल ले छुट्टी दे दे गे हे। जबकि इलाज के दौरान 201 लोगन मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 16375 नवा मरीज मिले हे। एला मिला के कोरोना संक्रमित मन के संख्या ह 1 करो़ड़ 3 लाख 56 हजार 845 पहुंच गे हे। जेमा ले 2 लाख 31 हजार 36 एक्टिव मामला हे।
उहचे 99 लाख 75 हजार 958 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 49 हजार 850 लोगन मन के मौत हो गे हे।
