Raipur: सीएम भूपेश बघेल ह काली राजधानी म टेनिस स्पोर्ट अकादमी के करही भूमिपूजन, पढो पूरा खबर

जय जोहार…. (Raipur) सीएम भूपेश बघेल ह काली अपन निवास कार्यालय ले वीडियो कांफ्रेंसिंग ले राजधानी रायपुर म टेनिस स्पोर्ट अकादमी के निर्माण कार्य के भूमिपूजन करही। कृषि विश्वविद्यालय रायपुर के सांस्कृतिक भवन ले लगे 4 एकड़ भूमि म टेनिस स्पोर्ट अकादमी के निर्माण करे जाही।

एखर निर्माण बर राज्य सरकार के खेल अऊ युवा कल्याण विभाग के तरफ ले 17 करोड़ 75 लाख रूपया के प्रशासन स्वीकृति प्रदान करत हुये कार्यादेश जारी कर दे गे हे। (Raipur) अकादमी के निर्माण बर 15 महिना के समय तय करे गे हे। टेनिस स्पोर्ट अकादमी के अंतर्गत एडमिन बिल्डिंग, हॉस्ट बिल्डिंग अऊ टेनिस कोर्ट के निर्माण करे जाही।

(Raipur) एडमिन बिल्डिंग के भूतल म वेटिंग रूम, रिसेप्शन, दो चेंजिंग रूम, दो हॉल, पार्किंग एरिया अऊ प्रथम तल म जिम डायनिंग एरिया, वेटिंग एरिया होही। दूसर तल म वीआईपी लॉज अऊ 3500 क्षमता के पावेलियन के निर्माण करे जाही।