जय जोहार । प्रदेसव्यापी भेंट मुलाकात के दउरान मुख्यमंत्री भूपेश बघेल ह लईका मन ले घलो रूबरू होवत हे। सीएम ह आज लुण्ड्रा विधानसभा क्षेत्र के लईका मन ल नवा राजधानी, मुख्यमंत्री निवास अउ जंगल सफारी घुमाय के वायदा करीन ।
सरगुजा के लुण्ड्रा विधान सभा क्षेत्र के गांव सहनपुर के लईका मन ह मुख्यमंत्री ल बताइन कि कभू सरगुजा ले बाहर नई गये हन। ओ सबो नवा राजधानी देखना चाहत हे। तब वो हा न सिर्फ नवा रायपुर बल्कि मुख्यमंत्री निवास म चाय बर आमंत्रित करीन अउ जंगल सफारी घुमाय के वायदा घलो करीन। वो हा कलेक्टर सरगुजा ल ए लईका मन ल नवा राजधानी स्थित मंत्रालय के संग जंगल सफारी अउ मुख्यमंत्री निवास घुमाय के व्यवस्था करे के निर्देस देहे ।
लईका मन ह भेंट मुलाकात के बेरा मुख्यमंत्री के स्वागत म सरगुजिया बोली म गीत गाइन हे । मुख्यमंत्री ह लईका मन डहार ले गाये गीत ’’चल तो भैया रे सहनपुर ले.. के प्रशंसा करीन । लईका मन डहार ले मध्यान्ह भोजन बर कमरा के मांग म मुख्यमंत्री ह तत्काल अधिकारी मन ल एक ठीन अच्छा शेड तैयार करे के निर्देस देहे।
No Comment! Be the first one.