जय जोहार…. (Chhattisgarh) प्रदेश के सीएम भूपेश बघेल ह केंद्रीय वित्त मंत्री निर्मला सीतारमण ल पत्र लिखे हे। ए पत्र म सीएम बघेल ह छत्तीसगढ़ राज्य ल एक्साइज ड्यूटी के रूप म मिलइया राशि ल पूर्व के तरह दे के अनुरोध करे हे।
पत्र म (Chhattisgarh) सीएम बघेल ह लिखे हे कि साल 2020-21 कोविड महामारी के दुष्प्रभाव सती वित्तीय दृष्टि ले अत्यन्त कठिन साल रहे हे। ए साल राज्य म सबो आर्थिक गतिविधि म विपरीत प्रभाव पड़े सती राज्य के स्वयं के वित्तीय स्रोत म करीब 30 फीसद के कमी संभावित हे।
हाल ही म साल 2021-22 के केंद्रीय बजट म पेट्रोलियम पदार्थ, सोना-चांदी अू आन कई वस्तु म एक्साइज ड्यूटी म कम कर के ओखर स्थान म कृषि अधोसंरचना विकास सेस आरोपित करे के घोसना आप मन के तरफ ले करे गे हे। एखर ले राज्य ल अवइया वित्तीय साल म 900 से 1000 करोड़ रुपया के अतिरिक्त क्षति होय के संभावना हे।
पत्र म (Chhattisgarh) सीएम बघेल ह उल्लेख करे हे कि वित्तीय साल 2020-21 म राज्य के जीएसटी क्षतिपूर्ति मद म केंद्र सरकार ले अभी घलो 3700 करोड़ के राशि प्राप्त हाना बचे हे। केंद्र सरकार के तरफ ले पूर्व म राज्य ले 60 लाख टन चावल ले के घोसना के बाद राज्य के चावल के कोटा म 16 लाख टन के कटौती कर दे गे हे। जेखर सती घलो राज्य के तरफ ले संग्रहित अतिरिक्त धान के निराकरण म राज्य ल बड़का हानि होय के संभावना हे।
No Comment! Be the first one.