वेतन मांगिस शिक्षक ह त जेल भेज दीस कलेक्टर ह
कोरिया. वेतन मांगे बर गे शिक्षक ल निलंबित कर के जेल भेजे के मामला म शालेय शिक्षाकर्मी संघ कलेक्टर के विरोध म उतर आइस हे. संघ ह कलेक्टर उपर पद के दुरुपयोग करे के आरोप लगात हुए ए संबंध म मुख्यमंत्री अउ मुख्य चुनाव अधिकारी ल जानकारी दे के बात कहिन.
शालेय शिक्षाकर्मी संघ के प्रदेश अध्यक्ष वीरेंद्र दुबे ह कहिन के, कइसे कोनो कलेक्टर कोनो कर्मचारी ल जायज मांग रखे म जेल म भेज सकत हे. वेतन नइ मिले के शिकायत म उचित निर्णय ले के जगा शिक्षक सुरेंद्र जायसवाल ल ही निलंबित कर देना ठीक नइए. कलेक्टर के फर्ज रहिस हे के समय म वेतन नइ मिले म संबंधित अधिकारी ल आदेश देय के, न कि शिक्षक ल ही एंखर दोषी बना के ओखर पर कार्रवाई कर के.
दुबे ह कहिन, के वेतन नइ मिले के वजह ले शिक्षक पहिली ले आर्थिक अउ सामाजिक कष्ट झेलत हवय. अइसे म निलबंन के संग जेल म डाल देना ए कहां के न्याय हवय. संघ अइसे कार्रवाई के निंदा करथे. उमन कहिन के, शालेय शिक्षाकर्मी संघ पीड़ित शिक्षक के संग हे, अउ हम शिक्षक ल न्याय दिलाए के कोशिश करत हन. यदि जल्द उचित कार्रवाई नइ करे गिस. त हम सबो शिक्षक संगठन के संग मिल के आघू के रणनीति बनाबो.
Other Articles
फूलपाड़ झरना म फोटोशूट करना मंहगा पड़ गिस दू दोस्त ल
ए जर्जर अउ पुराना स्कूल विकास अउ मरम्मत के बाट जोहत हवय
No Comment! Be the first one.