chhattisgarh : वाणिज्यिक कर मंत्री टीएस सिंहदेव ह टैक्स अपडेट पत्रिका के करीन विमोचन, पढ़व

जय जोहार…. (chhattisgarh) वाणिज्यिक कर मंत्री टीएस सिंहदेव ह सेल्स टैक्स बार एसोसिएसन रायपुर डहार ले प्रकासित मासिक ई-पत्रिका टैक्स अपडेट के विमोचन करीन।

मंत्री सिंहदेव ह रायपुर के अपन सासकीय निवास कार्यालय म आयोजित कारीकरम म ए पत्रिका के ऑनलाइन विमोचन करीन। सेल्स टैक्स बार एसोसिएसन डहार ले ए पत्रिका के प्रकासन पहला घांव करे गे हे।

(chhattisgarh) ए अवसर म वाणिज्यिक कर मंत्री टीएस सिंहदेव ह किहीन कि जीएसटी लागू होय के बाद एखर प्रावधान म लगभग एक हजार ले जादा संसोधन कर सर्कुलर जारी करे गे हे। आज घलो एखर स्वरूप ल समझना आम व्यापारी मन बर कठिन हे। ए पत्रिका ले ओमन ल जीएसटी के प्रावधान अउ नियम न बेहतर समझे म मदद मिलही। मंत्री सिंहदेव ह संपादक मंडल अउ बार एसोसिएशन के सबो सदस्य ल बधाई देत हुये पत्रिका के सफलता बर सुभकामना दीन हे।

(chhattisgarh) ए वर्चुअल कारीकरम म बार एसोसिएसन के सचिव भाविक शाह, प्रचार सचिव गोपीचंद लालवानी, संपादक मंडल के सदस्य कैलाश अग्रवाल, विकास पांडे अउ सदस्य रमेश वर्ल्यानी, सुरेश लाल, महेश शर्मा, शिव सोनी, संजय कंदोई, महेंद्र पंसारी, गोपाल तावनिया अउ संतोष दुबे उपस्थित रिहीन ।