mahasamund : 3 लाख रुपिया ले अमलोर म बनही सामुदायिक भवन, संसदीय सचिव ह करीन रासि दे के घोसना
जय जोहार। (mahasamund) संसदीय सचिव अउ विधायक विनोद सेवनलाल चंद्राकर ले ग्राम अमलोर के महिला समिति के पदाधिकारी मन ह मुलाकात करीन। ए दउरान समिति के पदाधिकारी मन ह समिति डहार ले करे जावत काम के जानकारी दीन। संगेसंग गांव म एक ठीन सामुदायिक भवन के मांग करीन । जेमा संसदीय सचिव श्री चंद्राकर ह भवन निर्माण बर तीन लाख रुपिया के रासि दे के घोसना करीन । रासि के घोसना म महिला मन ह ओखर आभार जताइन हे ।
आज रविवार के ग्राम अमलोर के महिला मन ह (mahasamund) संसदीय सचिव निवास पहुंचके संसदीय सचिव श्री चंद्राकर ले मुलाकात करीन । ए दउरान महिला मन ह बताइन कि रचनात्मक काम बर महिला समूह के गठन करे गेहे । समूह डहार ले कई ठीन कारीकरम ल आयोजित करे जात हे। सामुदायिक भवन नई होय के सेती कई ठीन आयोजन म काफी परेसानी के सामना करे ल पड़त हे। वो हा गांव म एक ठीन सामुदायिक भवन के मांग करीन । जेमा संसदीय सचिव श्री चंद्राकर ह अपन विधायक निधि ले तीन लाख रुपिया के रासि दे के घोसना करीन ।
रासि के घोसना म (mahasamund) संसदीय सचिव श्री चंद्राकर के ग्राम अमलोर के सुमित्रा बाई ध्रुव, सविता बाई ध्रुव, कांति बाई ध्रुव, सुशीला बाई ध्रुव, रामबती ध्रुव, केशर ध्रुव, चित्रो पाइक, हुमन निषाद, कुंती यादव, ताराबाई ध्रुव, जमबाई यादव, सूरज बाई निषाद, लक्ष्मी निषाद, निराबाई पाइक, किसनी नायक, तिजबाई ध्रुव, राही ध्रुव, जिराबाई निषाद, शिवकुमारी निषाद, नितला बाई ध्रुव, चंद्रकली मांझी ह आभार जताइन हे ।
