जय जोहार । (mahasamund) शासकीय माता कर्मा कन्या महाविद्यालय म एम काम के कक्षा प्रारंभ करे ल संसदीय सचिव अउ विधायक विनोद सेवनलाल चंद्राकर ह उच्च शिक्षा मंत्री उमेश पटेल ल पत्र लिखके ध्यानाकर्षित कराइन हे ।
(mahasamund) संसदीय सचिव श्री चंद्राकर ह शिक्षा मंत्री श्री पटेल ल लिखे पत्र म बताइन कि जिला म एक ठीन शासकीय माता कर्मा कन्या महाविद्यालय हे । जिहां बछर 2007 ले बी काम के कक्षा ह संचालित होवत हे । बीकाम अंतिम बछर म छात्रा मन के संख्या लगभग 250 ले जादा रहत हे । शासकीय महाप्रभु वल्लाभाचार्य स्नातकोत्तर महाविद्यालय म एमकाम बर प्रवेश के संख्या केवल 80 हे । जेखर सेती आन महाविद्यालय अउ शासकीय कन्या महाविद्यालय ले बीकाम के बाद एमकाम के पढ़ाई करइया छात्रा मन ल जिला ले बाहर जाना पड़त हे या फेर अपन पढ़ाई ल विराम करे ल पड़त हे । शासकीय माता कर्मा कन्या महाविद्यालय म एमकाम के कक्षा प्रारंभ करे के मांग छात्रा अउ पालक डहार ले सरलग करे जात हे।
ओपन स्कूल बोर्ड अध्ययन केंद्र खोले बर सचिव ले करीन चर्चा – (mahasamund)संसदीय सचिव अउ विधायक श्री चंद्राकर ह शासकीय हायर सेकेंडरी स्कूल खट्टी म छत्तीसगढ़ ओपन स्कूल बोर्ड अध्ययन केंद्र खोले बर छग राज्य ओपन स्कूल के सचिव ले चर्चा करत पत्र लिखे हे ।
संसदीय सचिव श्री चंद्राकर ह चर्चा अउ पत्र म सचिव ल ध्यानाकर्षित करत हुये बताइन कि खट्टी स्कूल के आसपास परसदा, तमोरा, तुसदा, कमरौद, खम्हरिया, पचेड़ा, उमरदा म हायर सेकेंडरी स्कूल अउ हाईस्कूल संचालित हे । जेमा अध्ययन करइया नियमित छात्र अनुत्तीर्ण होय म अपन पढ़ाई ल छोड़ देत हे अउ आगू के शिक्षा ल प्राप्त नई कर पात। शासकीय हायर सेकेंडरी स्कूल खट्टी म ओपन स्कूल बोर्ड अध्ययन केंद्र खोले ले उक्त विद्यालय ले अनुत्तीर्ण विद्यार्थी आगू के पढ़ाई ल जारी रख सकत हे । खट्टी म ओपन स्कूल बोर्ड अध्ययन केंद खोले ले विद्यार्थी मन के हित म होही ।
No Comment! Be the first one.