मंत्री जयसिंह अग्रवाल के सिकायत अनुसूचित जनजाति आयोग म

रायपुर. नवनियुक्त भाजपा प्रदेश अध्यक्ष विक्रम उसेंडी के अपमान करे के आरोप लगात हुए छत्तीसगढ़ के मंत्री जयसिंह अग्रवाल के सिकायत सरगुजा सांसद कमलभान सिंह मरावी, जिला महामंत्री भाजपा रामलखन सिंह पैकरा, पूर्व महापौर प्रबोध मिंज अउ जिला पंचायत अध्यक्ष फुलेश्वरी सिंह पैकरा समेत अन्य भाजपा आदिवासी मोर्चा के नेतामन ह अनुसूचित जनजाति आयोग नई दिल्ली ले करे हवय.

भाजपा जिला महामंत्री रामलखन पैकरा ह बताइस के, छत्तीसगढ़ के राजस्व अउ श्रम मंत्री जयसिंह अग्रवाल ह आदिवासी नेता अउ भाजपा के प्रदेसाध्यक्ष विक्रम उसेंडी के खेलाफ जे अपमानजनक सब्द मन के परयोग कर उंखर खिल्ली उड़ाईस हे. येखर ले छत्तीसगढ़ के आदिवासी समाज उद्वेलित हवय.