corona: देश म पिछिले 24 घंटा म बाढ़ गे 92 हजार ले जादा नवा मामला, 1133 लोगन मन के हो गे मौत

जय जोहार…. देश म कोरोना (corona) संक्रमण के मामला ह सरलघा बाढ़त जावत हे। देश म पिछिले 24 घंटा म 92 हजार ले जादा नवा मामला ह सामने आय हे। उहचे 1133 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 92605 नवा मामला के पहचान होय हे। एला मिला के देश म कोरोना संक्रमित मन के संख्या ह बाढ़ के 5400620 पहुंच गे हे।

जेमा ले 10 लाख 10 हजार 824 एक्टिव मामला हे। उहचे 43 लाख 3 हजार 44 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 86752 लोगन मन के मौत हो गे हे।