पत्रकार मन ले दुर्व्यवहार के निंदा……हार के खींझ ल भाजपा नेता अइसे न निकालय  : ब्रजेश चौबे

रायपुर। भाजपा प्रदेस प्रभारी अनिल जैन के रायपुर म अउ भिलाई म कन्हैया सोनी व किसान मोरचा के कुछु नेता मन ह मीडिया के साथी मन के संग करेगे दुर्व्यवहार के छत्तीसगढ़ श्रमजीवी पत्रकार संघ ह कठोर भाखा म निंदा करिस हे।  संघ के राष्ट्रीय उपाध्यक्ष ब्रजेश चौबे, प्रदेश अध्यक्ष अरविंद अवस्थी, महासचिव विश्वदीपक राई समेत  सबो पदाधिकारी मन ह घटना ल सरमनाक बतात हुए कहिन के, हार के खींझ भाजपा नेता अइसे न निकालें। पत्रकार सिरिफ पत्रकार होथे। कोनो राजनीतिक दल ले उमन के कोनो सरोकार नइ रहय।  यदि ए नेता मन अपन कृत्य बर माफी नइ मांगही त पूरा प्रदेस म विरोध प्रदरसन करे जाही।