विधायक ले मिले बर गिस परिजन मन ले बदसलूकी के कांग्रेस ह करिस निंदा, कहिन- भाजपा लोकतंत्र ल नष्ट करे म अमादा

जय जोहार रायपुर…. विधायक मनोज चौधरी ले मिले बर गए परिजन मन के संग बदसलूकी के कांग्रेस ह कड़ी निंदा करे हे। प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी ह कहिन कि भाजपा ए कइसे लोकतंत्र चलात हे, जेमा पिता के बेटा ले मिले के इच्छा रखना ह अपराध बन गे हे। देश के अर्थव्यवस्था के बाद भाजपा लोकतंत्र ल नष्ट करे म अमादा हे।

वो हा कहिन कि खरीद फरोख्त के बाद बैंगलोर म भाजपाई मन ह विधायक के पिता अऊ कांग्रेस सरकार के दो मंत्री म हमला अऊ गुंडागर्दी करे हे। मध्यप्रदेश सरकार के दो मंत्री मन म पहिली भाजपाई मन के हमला अऊ हमला के बाद मंत्री मन के गिरफ्तारी ले भाजपा के अधिनायकवादी मनोवृत्ति ह उजागर हो गे हे। भाजपा ह पवित्र लोकतंत्र ल व्यापार अऊ गुंडाराज म बदल दे हे।