जय जोहार रायपुर…. देश के आजादी बर अपन सर्वस्व न्यौछावर करे वाला भगत सिंह, राजगुरू अऊ सुखदेव के परिजन मन ल छत्तीसगढ़ सरकार ह राज्य के अतिथि घोसित कर दे हे।
गौरतलब हे कि एक निजी कार्यक्रम म शिरकत करे बर भगत सिंह के भतीजा किरणजीत सिंह संधू, राजगुरू के पप्रौत सत्यशील राजगुरू अऊ सुखदेव के पप्रौत्र विशाल नैय्यर छत्तीसगढ़ के राजधानी रायपुर आवत हे, वो मन इहां 17 मार्च के शहीद स्मारक भवन म शाम 7.30 बजे इंकलाब जिंदाबाद विषय म व्याख्यान देही।
आधार वक्तव्य देश के प्रसिद्ध आलोचक प्रोफेसर सियाराम शर्मा के होही। ऊहचे मणिमय मुखर्जी के निर्देशन म इप्टा भिलाई के साथी नफरत अऊ हिंसा के खिलाफ शांति-एकता के गीत प्रस्तुत करही।
No Comment! Be the first one.