मुख्यमंत्री ह प्रदेशवासी मन ल छेरछेरा पर्व के दिन बधाई

रायपुर। मुख्यमंत्री विष्णु देव साय ह प्रदेशवासी मन ल छत्तीसगढ़ के प्रसिद्ध लोक पर्व छेरछेरा के बधाई अउ शुभकामनाएं दिन। ए अवसर म ओमन ह प्रदेशवासी मन के सुख, समृद्धि अउ खुशहाली के कामना करिन। साय ह छेरछेरा पर्व के पूर्व संध्या म जारी अपन शुभकामना संदेश म कहिन कि छेरछेरा पर्व नवा फसल के घर आए के खुशी म पौष पूर्णिमा के दिन छत्तीसगढ़ म बड़ धूमधाम अउ उल्लास के संग मनाए जाथे। मान्यता हे कि ए दिन दान करे ले घर म धन धान्य के कोनो कमी नइ होए। 

साय ह कहिन कि महादान अउ फसल उत्सव के रूप म मनाए जाए वाला छेरछेरा त्योहार हमर सामाजिक समरसता, दानशीलता के अउ समृद्ध गौरवशाली परम्परा के संवाहक हे। इही दिन मां शाकम्भरी जयंती घलो मनाई जाथे। पौराणिक मान्यता के अनुसार ए दिन भगवान शंकर ह माता अन्नपूर्णा ले भिक्षा मांगिन, एखर सेती लोगन मन धान के संग साग-भाजी, फल के दान घलो करथे।