मुख्यमंत्री आवास म होइस कांग्रेस विधायक दल के बइठक

लोकसभा चुनाव ल लेके बनिस रणनीति, सीएम, पुनिया समेत सबो विधायक रहिन मउवजूद
रायपुर: मुख्यमंत्री निवास म कांग्रेस विधायक दल के बइठक होइस. मीटिंग म मुख्यमंत्री भूपेश बघेल अउ कांग्रेस प्रदेश प्रभारी पीएल पुनिया समेत कांग्रेस के सबो विधायक मउवजूद रहिन. ए दउरान लोकसभा चुनाव के तैयारी मन लेके चर्चा करे गिस .
बइठक म लोकसभा चुनाव बर के 11 लोकसभा सीट मन के प्रत्याशी के नाम मन म घलो चर्चा होइस. ए दउरान कांग्रेस विधायक मन ले मनपसंद लोकसभा प्रत्याशी चुने बरएक फॉर्म घलो भरवाय गिस. विधायक मन ह अपन लोकसभा बर दू-दू संभावित प्रत्याशी मन के नाम फॉर्म म भरे हवय.

संकल्प शिविर म चर्चा

संकल्प शिविर के प्रक्रिया अगला 15 दिन म पूरा करे के बात बइठक के दउरान कहे गिस. मीटिंग म सबो विधायक मन ल अपन क्षेत्र के प्रभार घलो देय गेहे.

आज होही चुनाव समिति के बइठक

गउरतलब हे के, प्रदेस कांग्रेस कमेटी के चुनाव समिति के बइठक शनिवार के रखे गिस है, ए बइठक म संभावित उम्मीदवार मन के सूची म चर्चा करे जाही अउ उंखर नाम मन ल पार्टी हाईकमान ल सउपे जाही.