“जन आवाज” मा सबके हित: त्रिवेदी

रायपुर। लोकसभा चुनाव के कांग्रेस घोषणा पत्र “जन आवाज” के प्रदेश कांग्रेस कमेटी के महामंत्री एवं संचार विभाग के अध्यक्ष शैलेश नितिन त्रिवेदी मन स्वागत करे हें। ए बारे मा शैलेष के कहना हे कि ए घोसना पत्र मा “न्याय” गरीब के बात ला सबले उपर रखे गे हे।

यानी देश मा कांग्रेस के सरकार बने के बाद निचट गरीब मन ल 7200 रू. हर साल दे जाही। बिल्कुल अइसनेच ढंग से जन आवाज में रोजगार, किसान, व्यापार व्यवसाय उद्योग धंधा के तरक्की, स्वास्थ्य, शिक्षा अउ महिला हित ला भी प्राथामिकता दे गे हे। ए बारे मा कांग्रेस के मानना हे कि गरीबो मन ला रोजगार अउ सरकारी मद के राशि से अर्थ बेवस्था मजबूत बनही। व्यापार व्यवसाय उद्योग धंधों मा प्रगति होही। महात्मा गांधी राष्ट्रीय रोजगार गारंटी मा 100 दिन न्यूनतम रोजगार गारंटी ला बढ़ा के 150 दिन करे जाही। भावी पीढ़ी के भविष्य बर सिक्षा मा जीडीपी के 6 प्रतिसत र्खचा करे जाही। न्याय के ही कड़ी मा सरकारी अस्पताल मन ला सर्व सुविधा सयंत्र बनाए जाही। 22 लाख युवा मन ला 6 माह में सरकारी नौकरी दे जाही।