रायपुर। केंद्र सरकार ले राज्य ल जेन मदद मिलत रिहिस ओमा कटौती अउ महंगाई के खिलाफ म कांग्रेस ह 20 जुलई के सबो जिला मुख्यालय म प्रदर्शन करही। पहिली केंद्र सरकार के खिलाफ 8 जुलई के प्रदर्शन करईया रिहिन हे, फेर मुख्यमंत्री भूपेश बघेल ल मातृशोक होय के कारण ये प्रदर्शन ल टाल दे गे रिहिन।
प्रदेश महामंत्री शैलेश नितिन त्रिवेदी ह बतईन कि धरना-प्रदर्शन म कांग्रेस ह मोदी सरकार ऊपर हमला बोलके भाजपा ल गरीब, किसान, महिला अउ छत्तीसगढ़िया विरोधी बताही। एमा मुख्यमंत्री भूपेश बघेल समेत पीसीसी अध्यक्ष मोहन मरकाम, सबो मंत्री, विधायक, प्रदेश स्तर ले लेकर ब्लॉक स्तर के पदाधिकारी अउ कार्यकतर मन शामिल होही। अब पार्टी के प्रदेश अध्यक्ष मरकाम ह नगरीय निकाय चुनाव के पहिली धरना-प्रदर्शन करके भाजपा के खिलाफ माहोल बनाए के फैईसला लिन हे।
श्री त्रिवेदी ह बतईन कि अभी लोकसभा के मानसून सत्र चलत हे। एखर कारण छत्तीसगढ़ म कांग्रेस ह धरना-प्रदर्शन कर मोदी सरकार ऊपर दबाव बनाए के प्रयास करही। संगे-संग ये प्रदर्शन ल छत्तीसगढ़ के कांग्रेस सांसद अउ राज्यसभा सदस्य मन सदन म घलो उठाही।
No Comment! Be the first one.