छत्तीसगढ़ सरकार ह एनएमडीसी अऊ सीएमडीसी के संयुक्त उपक्रम एनसीएल ल दिस नोटिस, कांग्रेस ह करिस स्वागत
जय जोहार रायपुर…. छत्तीसगढ़ सरकार के तरफ ले लीज निरस्त करे के एनएमडीसी अऊ सीएमडीसी के संयुक्त उपक्रम एनसीएल ल नोटिस दे के कांग्रेस ह स्वागत करे हे। प्रदेश कांग्रेस अध्यक्ष मोहन मरकाम ह कहिन कि भाजपा ल एनएमडीसी के तरफ ले आबंटित खदान के विषय म भाजपा के रमन सिंह सरकार के भूमिका अऊ अपन वर्तमान स्थिति ल स्पष्ट करना चाही।
भाजपा ह हमेशा आदिवासी मन अऊ बस्तर के रहइया मन ल धोखा दे के काम करे हे। अडानी ल दे गे बैलाडीला के 13 नंबर निक्षेप म खदान आबंटन, पेड़ काटे के अनुमति, दिखावटी जन सुनवाई, ग्रामसभा के गड़बड़ी बर जिम्मेदार भाजपा के रमन सिंह सरकार ह रहिस।
प्रदेश कांग्रेस अध्यक्ष मोहन मरकाम ह कहिन कि मोदी जी के केंद्र सरकार अऊ एनएमडीसी के तरफ ले अडानी ल बैलाडीला के लोहा खदान दे म छत्तीसगढ़ म भाजपा के रमन सिंह सरकार के भूमिका अऊ गड़बड़ी उजागर हो गे हे। वो हा कहिन कि छत्तीसगढ़ अऊ बस्तर के हित ह कांग्रेस सरकार के सर्वेाच्च प्राथमिकता म हे।
कांग्रेस के सरकार आदिवासी मन के हित के संग कोनो समझौता नई करही। मुख्यमंत्री भूपेश बघेल के सरकार बर छत्तीसगढ़ के लोग हमेशा प्रथम रहिस अऊ प्रथम रही। नवा छत्तीसगढ़ म कोनो अवैधानिक कार्य बर जगह नई हे।
