प्रवासी मजदूर मन बर विशेष ट्रेन चलाय जाने के कांग्रेस ह करिन स्वागत
जय जोहार…. मुख्यमंत्री भूपेश बघेल, एआईसीसी के छत्तीसगढ़ प्रभारी पीएल पुनिया, लोकसभा सांसद डॉ. ज्योत्सना महंत, दीपक बैज के संगेसंग राज्यसभा सदस्य छाया वर्मा, फूलोदेवी नेताम अऊ केटीएस तुलसी के तरफ ले करे गिस पहल के परिणामस्वरूप विशेष ट्रेन चलाय जाने के प्रदेश कांग्रेस अध्यक्ष मोहन मरकाम ह स्वागत करे हे।
वो हा कहिन कि देश म सबले पहले छत्तीसगढ़ के मुख्यमंत्री भूपेश बघेल ह प्रधानमंत्री नरेंद्र मोदी के समक्ष प्रवासी मजदूर अऊ देश के अलग-अलग हिस्सा म फंसे छत्तीसगढ़ के छात्र अऊ अन्य लोग मन के वापसी बर विशेष ट्रेन के मांग उठाय रहिस। एआईसीसी के छत्तीसगढ़ प्रभारी पीएल पुनिया ह ए बात ल आघू बढ़ाइस अऊ स्वयं हो के प्रधानमंत्री ल पत्र घलो लिखिस अऊ ट्वीट करिन। छत्तीसगढ़ के दुनो लोकसभा सदस्य डॉ. ज्योत्सना चरणदास महंत कोरबा अऊ दीपक बैज बस्तर के संगेसंग राज्यसभा सदस्य छाया वर्मा, फूलोदेवी नेताम अऊ केटीएस तुलसी ह घलो प्रधानमंत्री ल छत्तीसगढ़ के प्रवासी मजदूर, छात्र अऊ बाहर फंसे लोग मन बर विशेष ट्रेन चलाय के मांग ल लेके पत्र लिखिस। छत्तीसगढ़ ले मांग उठने म बाकी प्रदेश ह घलो एखर अनुसरण करिन अऊ अनेक राज्य ह ए आशय के मांग करिस।
प्रदेश कांग्रेस अध्यक्ष मोहन मरकाम ह कहिन कि विशेष ट्रेन के मांग ल देश म सबले पहले हमर मन के मुख्यमंत्री भूपेश बघेल, छत्तीसगढ़ प्रभारी पीएल पुनिया अऊ पांच सांसद मन ह करे हे। केंद्र सरकार ल बाध्य होके विशेष ट्रेन चलाय के निर्णय लेना पड़िस, जेन जनहित म हे अऊ जेखर मांग छत्तीसगढ़ अऊ कांग्रेस पार्टी ह देश म सबले पहले करिन।
प्रदेश कांग्रेस अध्यक्ष मोहन मरकाम ह कहिन कि ये बड़े दुख के विषय हे कि छोटी-छोटी बात म रोज बयानबाजी करइया भाजपा के 9 लोकसभा सदस्य अऊ राज्यसभा सदस्य ए जनहित ले जुड़े मांग म चुप्पी साधे रहिस। जबकि भाजपा के लोकसभा सदस्य ह छत्तीसगढ़ के मतदाता मन के वोट ले ही जीत के लोकसभा के सदस्य बने हे। कोरोना महामारी बर छत्तीसगढ़ के गरीब, मजदूर अऊ छात्र मन बर छत्तीसगढ़ सरकार के प्रयत्न म कोनो सहयोग दे ल भाजपा सांसद मन ह जरूरी नई समझिस।
