कल विधानसभा के घेराव करही कांग्रेस ह

रायपुर। जोगी कांग्रेस ह आज जिहां सरकार उपर वादाखिलाफी के आरोप लगात हुए विधानसभा के घेराव कर के कोशिश करिस हे त उहें कांग्रेस ह कल विधानसभा के घेराव कर के ऐलान करिस हे।
छत्तीसगढ़ कांग्रेस ह प्रदेस सरकार उपर गरीब विरोधी होय के आरोप लगाइस हे। कांग्रेस के आरोप हे के सरकार गरीब मन बर नइ उद्योगपति मन बर योजना मन ल बनात हे। प्रदेश म गरीब मन ल पट्टा नइ मिलत हे। सरकार प्रदेस के जनता मन संग छल करत हवय।
कांग्रेस के आरोप हे के नियम कड़ा होय ले जाति प्रमान पत्र बनवाय बर लोगन मन ल खासा परेशानी के सामना करे बर पड़त हे। उमन ह नियम मन ल सरल बनाय के मांग करिन हे। कांग्रेस शहर अध्यक्ष विकास उपाध्याय, मेयर प्रमोद दुबे अउ पूर्व जिला ग्रामीण के अध्यक्ष पंकज शर्मा प्रेस कॉन्फ्रेंस म मवजूद रहिन हे।