ग्राम पंचायत म घलो लहराही कांग्रेस के परचम, उपचुनाव अऊ निकाय चुनाव के जईसे आही परिणाम: शैलेश

जय जोहार. प्रदेश कांग्रेस कमेटी के संचार विभाग प्रमुख शैलेश नितिन त्रिवेदी ह दावा करे हे कि अवईया पंचायत चुनाव म पंच सरपंच के चुनई म कांग्रेस ह एक घांव अऊ धाक जमाही. ओमान कहिन कि ज्यादातर कांग्रेस पार्टी के जीत के आही.

शैलेश नितिन ह राजीव भवन ले जारी बयान म बताइस कि एक साल में भूपेश बघेल के सरकार ह जो कहे रिहिस ओला करत हे, किसान मन के कर्जा माफ़ी ले लेके धान खरीदी म पारदर्शिता अऊ गरीब किसान के हित ल देखैय्या सरकार के ही पक्ष म किसान मन मुहर लगाही अऊ पार्टी के परचम लहराही,

शैलेश ह आगे किहिस कि पूर्व भाजपा सरकार ह गाँव अऊ ग्रामीण मन के विकास के पईसा ल अपन बड़े बड़े नेता मन के स्वागत अऊ आगवानी म खर्च करे, लेकिन हमर सरकार गाँव गरीब के सरकार हे अऊ सब्बो पैसा अब इन्हिचे अऊ विकास बर खर्च होही.