Congress: केन्द्र सरकार के कृषि कानून के खिलाफ कांग्रेस ह आज करही सत्याग्रह, पढो पूरा खबर

जय जोहार…. (congress) वल्लभ भाई पटेल के जयंती अऊ इंदिरा गांधी के पुण्यतिथि ल छत्तीसगढ़ कांग्रेस ह किसान अधिकार दिवस के रूप म मनाही। कांग्रेस ह आज केंद्र के कृषि कानून के खिलाफ सत्याग्रह घलो करही।

सरदार वल्लभ भाई पटेल के जयंती अऊ इंदिरा गांधी के पुण्यतिथि म कांग्रेस (congress) किसान अधिकार दिवस के रूप म मनाय ल जावत हे। कांग्रेस ह आज दोपहर 12 बजे ले रायपुर के घड़ी चौक स्थित अंबेडकर मूर्ति के नीचे बइठ के केंद्र सरकार के कृषि सुधार कानून के विरोध म सत्याग्रह करही। एखर पहिले घलो कांग्रेस ह केंद्र सरकार के कृषि कानून के विरोध म राज्यव्यापी प्रदर्शन कर चुके हे।

बता देन कि केन्द्र सरकार के कृषि कानून के विरोध म कांग्रेस (congress) ह किसान अऊ आम लोगन मन ले हस्ताक्षर कराये हे। ए हस्ताक्षर अभियान ल एआईसीसी ह राष्ट्रपति ल सौंपही।