रायपुर । पंडित रविशंकर शुक्ल उद्यान कलेक्टोरेट परिसर म स्मार्ट सिटी के तहत बने बापू के कुटिया के निर्मान म जमके भ्रष्टाचार होइस हे. येकर चलत ये कुटिया 6 माह घलो नइ टिक पाइस अउ येकर छत ढह गिस। प्रदेश कांग्रेस व्यापार प्रकोष्ठ के अध्यक्ष कन्हैया अग्रवाल ह बताइन कि स्मार्ट सिटी प्रोजेक्ट म मचे लूट के ये जीता-जागता नमूना हे। ये निर्मान कार्य म कतका रासि के टेंडर जारी करे गिस हे अउ खर्च कतका कन होइस ? येकरजांच कराके जिम्मेदार मन के खिलाफ ठोस कार्यवाही करे जाना चाही।
