राजधानी रायपुर म कन्टेनमेंट जोन के संख्या ह बाढ़ीस, अब हो गे 225

जय जोहार…. राजधानी रायपुर म कोरोना संक्रमित मरीज मन के संख्या ह सरलघा बाढ़त जावत हे। एखर संगेसंग कन्टेनमेंट जोन के संख्या ह घलो बाढ़ गे हे। रायपुर म कन्टेनमेंट जोन के संख्या ह बाढ़ के 225 हो गे हे। जेमा ले 116 एक्टिव कन्टेनमेंट जोन हे। उहचे 109 इलाके ल कन्टेनमेंट जोन ल बाहर कर दे गे हे।
जानकारी के मुताबिक राजधानी म कोरोना के मामले ह बाढ़त जावत हे, ओखर आधार म कन्टेनमेंट जोन ल बनाय जात हे। जइसे ही ओ क्षेत्र के मरीज ह बने हो जावत हे, ओ क्षेत्र म शासन के तरफ ले तय समय ह पुरा हो जात हे, त ओला कन्टेनमेंट जोन ले बाहर कर दे जात हे। वर्तमान म राजधानी म 116 सक्रिय कन्टेनमेंट जोन हे अउ 109 कन्टेनमेंट जोन ल डिनोटिफाईड कर दे गे हे।