जय जोहार…. छत्तीसगढ़ (chhattisgarh) शासन के स्वास्थ्य विभाग ह रेड, ऑरेंज अउ ग्रीन जोन वाले विकासखण्ड के नवा सूची ल अधिसूचित करे हे।
ए सूची म प्रदेश के 28 जिला के 112 विकासखण्ड ह रेड जोन म हे। उहचे 32 विकासखण्ड ल ऑरेज जोन म शामिल करे गे हे। एखर आलावा सब्बो विकासखण्ड ह ग्रीन जोन म रखे गे हे।
जारी सूची म छत्तीसगढ़ (chhattisgarh) क राजनांदगांव जिला म सबले जादा 9 विकासखण्ड ह रेड जोन म हे, जेमा राजनांदगांव शहरी, मानपुर, मोहला, अंबागढ़ चौकी, छुरिया, डोंगरगढ़, घुमका, खैरागढ़ अउ डोंगरगांव शामिल हे।
राजधानी रायपुर के रायपुर शहरी, अभनपुर, आरंग, धरसींवा अउ तिल्दा ब्लाक ल रेड जोन म रखे गे हे। ऊहचे गरियाबन्द जिला के मैनपुर, राजिम, छुरा, देवभोग, गरियाबन्द ब्लाक रेड जोन म हे।
रायगढ़ जिला के बरमकेला, सारंगगढ़, खरसिया, पुसौर, लैलुंगा, रायगढ़ शहरी, धर्मजयगढ़ एवं लोइंग ब्लाक रेड जोन म हे।
केन्द्रीय स्वास्थ्य अउ परिवार कल्याण मंत्रालय के दिशा-निर्देश के मुताबिक छत्तीसगढ़ (chhattisgarh) के सब्बो विकासखण्ड अउ शहरी क्षेत्र म कोविड 19 के सक्रिय मामले के संख्या, एखर दोगुने होय के दर अउ प्रति एकलाख जनसंख्या म सैंपल जांच के ताजा स्थिति के आधार म ओ मन ल रेड, ऑरेंज अउ ग्रीन जोन म पुन: वर्गीकृत करे जात हे। स्वास्थ्य विभाग के तरफ ले 12 जुलाई के स्थिति के आधार म ये वर्गीकरण करे गे हे। एला हर सोमवार के अद्यतन करे जात हे।
No Comment! Be the first one.