जिला म स्वास्थ्य सुविधा म होवत लगातार बढ़ोत्तरी

गरियाबंद। कलेक्टर दीपक अग्रवाल के दिशानिर्देश अउ मुख्य चिकित्सा अउ स्वास्थ्य अधिकारी डॉ. गार्गी यदु पाल के मार्गदर्शन म जिला के सरकारी स्वास्थ्य संस्था म निरंतर स्वास्थ्य सेवा अउ सुविधा म बढोत्तरी होवत हे। जेखर ले स्वास्थ्य संस्था के प्रति आम जनता के विश्वास घलो बढत हे, इही विश्वास के प्रतिफल हे कि जिला म अधिकांश प्रसव सरकारी स्वास्थ्य संस्था म होवत हे। इही संदर्भ म विकासखंड छुरा अंतर्गत प्राथमिक स्वास्थ्य केन्द्र खड़मा म 48 घंटा के अंदर नॉर्मल डिलीवरी के माध्यम ले 7 नवजात लइका मन के किलकारी गुंजिस। एखर बर चिकित्सा अधिकारि अउ मेडिकल स्टाफ ह तत्परता अउ सजगता ले कार्य करत प्रसव कार्य ल सम्पन्न कराए म योगदान दिस। प्रसव पश्चात प्रसूती महिला सहित नवजात शिशु के स्वास्थ्य जांच करके आवश्यक टीकाकरण घलो करे गिस। सुरक्षित प्रसव के पश्चात प्रसूती महिला के परिजन मन ह बेहतर सेवा बर खुशी जाहिर करत शासन-प्रशासन के आभार जतायिन हे। बतायिन हे कि जिला म जम्मों लोगन ल उत्कृष्ट स्वास्थ्य सेवाएं प्रदान करे बर प्रशासन सजग और गंभीर हे। एखर बर विभिन्न प्रकार के योजना के क्रियान्वयन करे जात हे। संग म स्वास्थ्य संसाधन के घलो व्यवस्था सुनिश्चित करे जात हे। एखर फलस्वरूप लोगन शासकीय अस्पताल  म विश्वास के संग आके स्वास्थ्य सेवा के लाभ लेवत हे।

      सीएमएचओ डॉ. गार्गी यदु पाल ह बतायिन कि स्वास्थ्य टीम के सक्रिय योगदान ले खड़मा के पीएचसी म 7 गर्भवती महिला मन के नॉर्मल डिलीवरी कराए गिस। जेमा ग्रामीण चिकित्सा अधिकारी सहित जम्मों स्टॉफ अउ मितानिन मन ल महत्वपूर्ण योगदान रिहिस। ओमन ह बतायिन कि जिला म लगातार बेहतर स्वास्थ्य सेवाएं प्रदान करे बर स्वास्थ्य विभाग तत्पर अउ सजग हे। लोगन ल जिला के स्वास्थ्य केंद्र के माध्यम ले हर संभव स्वास्थ्य सेवा प्रदान करे जात हे। एखर ले जिलेवासी निश्चित रूप ले लाभान्वित होवत हे। कलेक्टर  दीपक अग्रवाल अउ मुख्य चिकित्सा अउ स्वास्थ्य अधिकारी डॉ. गार्गी यदु पाल ने बेहतर स्वास्थ्य सेवा प्रदान करे बर चिकित्सक, स्टॉफ नर्सों सहित जम्मों कर्मचारी अउ मितानिन मन ल बधाई देवत उखर कार्य के सराहना करिन हे।