प्रधानमंत्री नरेन्द्र मोदी ह 65 लाख स्वामित्व कार्ड के करिन वितरण

रायपुर। प्रधानमंत्री नरेंद्र मोदी ह आज वर्चुअल रूप ले देशभर के लगभग 50 हजार ग्राम म 65 लाख स्वामित्व कार्ड के वितरण करिन। खाद्य मंत्री दयालदास बघेल अउ विधायक अजय चन्द्राकर ह धमतरी जिला के कुरुद म स्वामित्व योजना के आयोजित कार्यक्रम म 12,716 हितग्राही मन ल स्वामित्व कार्ड वितरण के शुभारंभ करिन। 

प्रधानमंत्री नरेन्द्र मोदी ह वर्चुअल रूप ले लाभार्थी मन ल संबोधित करत कहिन कि ग्रामीण अर्थव्यवस्था बर आज के दिन बड़ ऐतिहासिक हे। ओमन ह कहिन कि 5 साल पहली स्वामित्व योजना के शुभारंभ करे गे रीहिस। बीते 5 बछर म लगभग डेढ़ करोड़ लोगन मन ल स्वामित्व कार्ड प्रदान करे गे हे। आज योजना ले कतको लोगन ल अपन घर के प्रॉपर्टी कार्ड मिले हे। एखर बर ओमन ह बधाई अउ शुभकामना घलो दिन।