chhattisgarh : अपन मांग ल लेके सर्व विभागीय संविदा कर्मचारी महासंघ ह काली करही हड़ताल, पढ़व

जय जोहार । (chhattisgarh) सर्व विभागीय संविदा कर्मचारी महासंघ ह नियमितीकरण समेत अपन आन मांग ल लेके 1 3 मई के एक दिनी राज्य स्तरीय हड़ताल करही। महासंघ के प्रांतीय अध्यक्ष कौशलेश तिवारी ह बताइन कि कांग्रेस सरकार ल बने 4 बछर पूरा होय ल हे, पर अब तक संविदा कर्मचारी मन ल नियमित करे के वादा म सरकार ह खरा नई उतरे हे।

( (chhattisgarh)) सरकार ह केवल समिति के गठन ल कर संविदा कर्मचारी ल ठगे के काम करत हे। ए स्थिति ल लेके गहन असंतोष के सेती संविदा कर्मचारी ह कई घांव आंदोलन म मजबूर होवत हे। महासंघ के उपाध्यक्ष हेमंत सिन्हा ह किहीन कि मनरेगा के कर्मचारी मन के मांग के परीक्षण बर सरकार डहार ले प्रसन्ना कमेटी के गठन घलो एक ठीन छलावा ही हे, एखर पूर्व संविदा कर्मचारी मन के नियमितीकरण बर नीति-निर्देस तैयार करे बर सरकार गठन के तत्काल बाद पिंगुआ समिति ल बनाय गीस, लेकिन नतीजा ह शून्य रिहीस,

फेर राष्ट्रीय स्वास्थ्य मिशन के कर्मचारी मन के मांग के परीक्षण बर घलो एक ठीन समिति के गठन करे गीस, लेकिन नतीजा ह वही ढाक के तीन पात। ( (chhattisgarh)) आज तक ये दूनों समिति ह कार्यवाही प्रतिवेदन सरकार ल नई सौंपे हे न ही ओखर रिपोर्ट ह सार्वजनिक होइस। एखर सेती एक ठीन अउ नवा समिति के गठन के औचित्य समझ ले परे हे अउ संविदा कर्मचारी मन के समक्ष सरकार ह अपन विश्वसनीयता खो दीन हे।