दीक्षांत समारोह म मंच म हालात कुछु-कुछु डिबेट जइसे बन गिस

रायपुर. कुशाभाऊ ठाकरे पत्रकारिता विश्वविद्यालय के दीक्षांत समारोह म मंच म हालात कुछु-कुछु डिबेट जइसे बनगे. एक कोती संघ की पृष्ठभूमि से आवइया राज्यपाल आनंदी बेन पटेल रहिन, तो दूसर कोती लोकतांत्रिक सोच वाले गांधीवादी विचारधारा वाले वरिष्ठ पत्रकार. मुद्दा रहिस, भारतीय सेना के पाकिस्तान म करेगे एयरस्ट्राइक.

ओम थानवी ह अपन भाषण म आज के हालात म मीडिया के भूमिका उपर सवाल उठाइन. उमन कहिन के, पाकिस्तान म हुए एयर स्ट्राइक म 300 के जे आंकड़ा देय गे हे. वो गैर तथ्यात्मक हवय. आंकड़ा केती ले आइस. उमन कहिन, मीडिया ह पूरी तरह ले ए दउरान गैर जुम्मेदाराना रवैया अख्तियार करिन. उमन कहिन के, मउवजूदा मीडिया मनगढ़ंत अउ भड़काऊ भाषण दे म लगे हउ हउएआ है. ओम थानवी ने कहिन के, मीडिया म एंकर सैनिक मन के वेशभूसा में आ के युद्धोन्माद फइलाए म लगे हे. जबकि मीडिया के काम शांति अउ धीरज के हे.

एमा जब बोले के बारी राज्यपाल आनंदी बेन पटेल के आइस तो उमन एखर जवाब दिस. उमन कहिन के, 300 मारे जाए के बात न सरकार के कोती ले बोले गिस हे. अउ न ही सैनिक मन के कोती ले. उमन कहिन के, प्रिन्ट मीडिया के संग-संग इलेक्ट्रानिक मीडिया ल बेहतर कन्टेन्ट के संग सामाजिक सारोकार के खबर मन म धलो पकड़ मजबूत करे के जरूरत हे.
स्कूली लइका मन के मसला म घलो सवाल-जवाब
कार्यक्रम म खासतउर ले स्कूली लइका मन अउ महिला स्वसहायता समूह ल आमंत्रित करे गिस हे. ओम थानवी ह अपन भाषण म कहिन के, लइका आघू सामने हवय. उमन ल वालेंटियर मन देखय. इशारा-इशारा म उमन स्कूली लइका मन ल एक गंभीर कार्यक्रम म शामिल होए म सवाल उठाइन. जब उमन मंच म रहिन. तो ए जानकारी हासिल करिन, के लइका मन ए कार्यक्रम म कइसे आए हे. आयोजक मन ह बताइस के, ए लइका मन ल राज्यपाल के तरफ ले बुलाए गे हे.

कार्यक्रम म राज्यपाल ह बतिस के, उमन लइका मन काबर बुलाए हे. उमन प्रधानमंत्री नरेंद्र मोदी के एक कार्यक्रम के उदाहरन दिस. उमन बताइन के, मोदी ह कार्यक्रम ले पहिली बता देय रहिस के, उंखर 50 मेहमान मन बर जगा रखे जाए. कार्यक्रम म 50 मेहमान स्कूल के लइका मन रहिन. तब मोदी ह बताइन के, स्कूल म पढ़इया लइका मन जब अइसे कार्यक्रम म पहुंचते हे, तो उमन अइसे ही कार्यक्रम मन म शरीक होए के प्रेरणा मिलथे.
चार शोधार्थी मन ल मिलीस पी.एच-डी. के उपाधि
दीक्षांत समारोह म चार शोधार्थी मन ल पी.एच-डी. के उपाधि प्रदान करे गिस. नौ विद्यार्थी मन ल मिलिस स्वर्ण पदक. सांगेच प्रावीण्य सूची म द्वितीय अउ तृतीय स्थान प्राप्त करइया मन विद्यार्थी मन ल प्रावीण्य प्रमाणपत्र प्रदान करे गिस. ए बेर कुल 259 विद्यार्थी मन ल उपाधि प्रदान करे गिस.