रायपुर।पुरानी बस्ती थाना क्षेत्र के परसुराम नगर म एक युवक ह अपन मां के हत्या कर शव ल अस्पताल म दान कर दिस. पोस्टमार्टम के दउरान डॉक्टर मन ल पता चलिस के, बुजुर्ग महिला के मउत मारपीट ले होइस हे. मामला म पुरानी बस्ती पुलिस ह आरोपी पुत्र के खिलाफ अपराध दर्ज करिस हे.
का हे पूरा मामला
पुरानी बस्ती थाना के जानकार सूत्र मन बताइस के, आरोपी सुदीप बोस (23) प्रोफेसर कालोनी के परसुराम नगर का रहइया हे. बताय जात हे के, आरोपी अपन बुजुर्ग मां हेमप्रभा बोस के संग रहत रहिस हे. ओखर मां हमेशा बीमार रहत रहिस हे. बताय जात हे के आरोपी सुदीप बोस ह संपत्ति विवाद के चलत अपन मां ले हमेशा विवाद करत रहिस हे.
25 फरवरी के रात आरोपी ग फेर अपन मां ले विवाद कर मारपीट करिन. एखर चलत बुजुर्ग महिला के मउत हो गिस. आरोपी ह अपन मृत मां के शव ल अस्पताल म ले जा के दान कर दिस. जब डॉक्टर मन के पैनल टीम ह शव के जांच करिस तो बुजुर्ग महिला के बॉडी म चोट के निशान पाए गिस. जब बॉडी के पोस्टमार्टम करे गिस तो जानकारी मिलिस के, उंखर मउत मारपीट करे के वजह ले होइस हे. एखर सूचना डॉक्टर मन ह पुरानी बस्ती पुलिस ल दीस. पुलिस मामला म आरोपी पुत्र के खेलाफ हत्या के अपराध दर्ज करिन हे. बताएजात हे हत्यारा ह मृतका के दतक पुत्र रहिस हे.
No Comment! Be the first one.