जय जोहार…. छत्तीसगढ़ म कोरोना (corona) संक्रमित मन के संख्या ह सरलघा बाढ़त हे। बेमेतरा जिला के ग्राम डोलिया म एक महिला ह कोरोना संक्रमित मिले हे। कुछु दिन पहिले महिला ह अपन पति के संग उत्तर प्रदेश के लखनऊ ले वापस अपन गांव लहुटे रहिस। इलाका म कोरोना मरीज मिले के बाद सात किलोमीटर तक के सब्बो गांव ल कन्टेनमेंट जोन घोसित हो चुके हे। जेमा सिंगापुर, लोलेसरा, चारभाठा, झाल, मजगांव ल बफर बंपर जोन बनाय गे हे। ऊहचे संक्रमित मन ल जांच के बाद अस्पताल म शिफ्ट करे गे हे। अब बेमेतरा जिला म कोरोना (corona) के कुल आठ सक्रिय मामले हे।
गौरतलब हे कि छत्तीसगढ़ म अब तक कोरोना (corona) के 88896 संभावित मरीज मन के जांच बर सैम्पल ले गे हे। एमा ले 84344 लोगन मन के रिपोर्ट ह निगेटिव आय हे। प्रदेश म अब तक 1073 कोरोना पाजिटिव के मामले ह सामने आय हे। शेष 3481 सैम्पल के जांच जारी हे, जबकि 266 मरीज ह स्वस्थ होके अपन घर लहुट चुके हे। ऊहचे 803 मरीज मन के उपचार ह जारी हे।
