chhattisgarh म कोरोना संक्रमण दर ह तेजी ले गिरत हे नीचे, अब रह गीस हे 15 प्रतिशत
जय जोहार…. (chhattisgarh) प्रदेश म कोरोना नियंत्रण बर करे गे प्रभावी उपाय के बाद संक्रमण दर ह तेजी ले नीचे आवत हे। 11 मई के ये दर ह घट के 15 प्रतिशत रह गे हे। अइसने नवा संक्रमित मन के संख्या ह घलो घटत हुये अब 10 हजार ले घलो नीचे आ गे हे।
राज्य (chhattisgarh) म जांच सुविधा ह बाढ़ने के संगेसंग संक्रमित मन के जांच म घलो बढ़ोतरी होईस हे। 11 मई के 42750 जांच के लक्ष्य के विरुद्ध 63811 जांच करे गे रिहिन, जेमा 9717 मनखे मन ह पाजिटिव मिले रिहिन।
कोविड 19 महामारी के रोकथाम बर राज्य सरकार के तरफ ले जांच म बिसेस धियान दे जावत हे। वर्तमान म रोजाना करीब 40 हजार के लक्ष्य ले उपर 60 हजार मनखे मन के कोरोना जांच ल करे जावत हे।
प्रदेश (chhattisgarh) म 11 मई के 63811 मनखे मन के कोरोना जांच करे गीस हे, जेमा ले 8540 आरटीपीसीआर जांच, 6305 ट्रूनॉट जांच अउ 48966 रेपिड एंटीजन जांच सामिल हे। एमा कुल 9717 मनखे मन ह पाजिटिव मिले हे। अइसने राज्य के पाजिटिविटी दर ह घट के 15 प्रतिशत रह गीस हे।
