Corona: सरलघा बाढ़त जावत हे कोरोना संक्रमण, देश म एक दिन म रिकॉर्ड 49 हजार ले जादा नवा मरीज

जय जोहार…. देश में कोरोना (corona) संक्रमण के मामला ह सरलघा बाढ़त जावत हे। पिछिले 24 घंटा म कोरोना के 49310 नवा मामला के पहचान होय हे। ए दौरान 740 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के अनुसार देश म कोरोना (corona) के कुल मरीज मन के संख्या ह 12 लाख 87 हजार 945 पहुंच गे हे। जेमा ले एक्टिव मामला ह 4 लाख 40 हजार 135 हो गे हे।

ऊहचे 8 लाख 17 हजार 209 लोगन मन ह कोरोना (corona) ल मात दे दे हे, जेखर बाद ओ मन ल अलग-अलग कोविड अस्पताल ले छुट्टी दे दे गे हे, ए वायरस ले देश म अब तक 30601 लोगन मन के जान चले गे हे।