Dantewada : 700 साल म पहिली बार सील हो गे मां दंतेश्वरी शक्तिपीठ के दरबार, पढो पूरा खबर

जय जोहार…. छत्तीसगढ़ राज्य के (Dantewada) अधिष्ठात्री देवी मां दंतेश्वरी के दरबार ह विश्व विख्यात हे। इहां के विश्व विख्यात दशहरा के जानकारी ह हर लोगन मन ल हे,

लेकिन कोरोना महामारी ह मां के दरबार ल घलो 14 दिन बर बन्द करवा दे हे। 700 साल के इतिहास म पहिली बार छत्तीसगढ़ के दंतेवाड़ा (Dantewada) स्थित मां दंतेश्वरी शक्तिपीठ ल 14 दिन बर सील हो गे हे।

बस्तर के काकतीय शासनकाल म 700 साल पहिले स्थापित दंतेश्वरी शक्तिपीठ के दर्शन ले पहिली बार श्रद्धालु मन ल रोक दे गे हे। कोरोना संकट सती मंदिर ल सील कर दे गे हे।

परिसर म निवास करइया एक श्रद्धालु के कोरोना पाजिटिव आय के बाद प्रशासन ह एहतियातन ए कदम उठाये हे।
मंदिर के पुजारी हरेन्द्र नाथ जिया ह कहिन कि इतिहास म पहिली बार होय हे, जब शक्तिपीठ ल सील करे गे हे। मंगलवार ले मंदिर परिसर म सन्नाटा पसरे हे।

विगत सोमवार के (Dantewada) जिला म 27 कोरोना पाजिटव मरीज के पहचान होय हे, जेमा मंदिर परिसर निवासी श्रद्धालु घलो शामिल हे। मंदिर के करीब आवास होय के सती वो प्रतिदिन देवी दर्शन ल आवत रिहिस। प्रसासन ह कन्टेनमेंट के दायरा म मंदिर परिसर ल घरो रखे हे।

14 दिन बर मंदिर के संग आसपास के इलाका घलो सील रही। स्वास्थ्य विभाग ह सरलघा सर्वे करत हे। मंदिर के पुजारी ह बताइस कि सेवादार मन ल घलो निश्चित समय म परिसर म प्रवेश के इजाजत दे गे हे।