corona: पूर्व सीएम रमन सिंह के कोरोना रिपोर्ट आय हे पाजिटिव, ट्वीट कर दे हे जानकारी

जय जोहार…. राजधानी म कोरोना (corona) ले जुड़े एक बड़का खबर सामने आवत हे। पूर्व मुख्यमंत्री डॉ. रमन सिंह ह कोरोना पाजिटिव हो गे हे। ए जानकारी ल स्वयं पूर्व सीएम डॉ. रमन सिंह ह ट्वीट कर दे हे।

पूर्व सीएम डॉ सिंह ह अपन ट्विटर म ट्वीट करत हुये लिखे हे कि कोरोना (corona) के शुरुआती लक्षण मिले के बाद मे हा कोरोना जांच करवाय रहेव। जेखर रिपोर्ट ह आज पाजिटिव आय हे। मोर निवेदन हे कि विगत दिनो जेन लोगन मन ह मोर संपर्क म आय हे, ओ हा आइसोलेशन म रहे अऊ अपन कोविड टेस्ट जरूर कराए।

बता दन कि एखर पहिले ओखर पत्नी वीणा सिंह घलो कोरोना (corona) पाजिटिव पाय गे रिहिन, हालांकि अब वीणा सिंह ह स्वस्थ हो के अपन घर लहुट चुके हे।