chhattisgarh के 7 जिला म सुरू हो गे कोरोना वैक्सीनेशन के ड्राई रन, पढो पूरा खबर
जय जोहार…. (chhattisgarh) छत्तीसगढ़ के सात जिला म वैक्सीनेशन के माक ड्रिल सुरु हो गे हे। प्रदेश के राजधानी रायपुर, बिलासपुर, दुर्ग, सरगुजा, बस्तर, गौरेला-पेंड्रा-मरवाही अऊ राजनांदगांव म टीकाकरण के ड्राई रन करे जावत हे। हरेक टीकाकरण केंद्र म एक-एक नोडल अधिकारी नियुक्त करे गे हे, जेन पूरा व्यवस्था म नजर रखही।
ए सबो जगह म कोविन एप म पंजीकृत हितग्राही मन ल मैसेज ले बुलाय जाही अऊ टीकाकरण के पूरा प्रक्रिया ल करे जाही। (chhattisgarh) रायपुर समेत पूरा छत्तीसगढ़ म 525 लोगन मन ल ए ड्रिल म शामिल करे जाही। राजधानी रायपुर म कुशालपुर के सरकारी स्कूल समेत कई जगह म टीकाकरण केंद्र बनाय गे हे।
(chhattisgarh) कुशालपुर केंद्र के नोडल अधिकारी डॉ प्रियंका शुक्ला ह बताईस क वैक्सीनेशन के पहिले चरण म स्वास्थ्य कर्मी मन ल रखे जाही। स्वास्थ्य विभाग ह प्रदेश म कोरोना संक्रमित पाय जाय वाला मरीज मन के पूरा डेटा रखे हे, जेखर ले ओखर लिस्टिंग करे जाही। एखर बाद वैक्सीनेशन बर ओखर रजिस्ट्रेशन कराए जाही।
