Corona: राज्य म पत्रकार म होय हे कोरोना के पुष्टि

जय जोहार…. राज्य म एक पत्रकार के रिपोर्ट ह कोरोना (corona) पॉजिटिव आय हे। छत्तीसगढ़ म पत्रकारिता के क्षेत्र म ये पहिला मामला ह सामने आय हे। इलेक्ट्रानिक्स मीडिया के ये पत्रकार ह पिछिले कई दिन ले सर्दी, खांसी अउ बुखार ले पीड़ित रिहिस। संदेह के आधार म ओखर स्वाब सैम्पल ल जांच बर भेजे गे रिहिस, जेखर रिपोर्ट ह आज कोरोना (corona) पाजिटिव आय हे।
मिले जानकारी के अनुसार पिछिले कुछु दिन ले वो दफ्तर घलो नई आय रिहिस। हालांकि एखर पहिले वो सरलघा फील्ड म रहे रिहिस अउ कई लोगन मन ले संपर्क म घलो रहे रिहिस। अब स्वास्थ्य विभाग ह ट्रेवल हिस्ट्री अउ कान्टेक्ट के आधार म लोगन मन ल क्वारेंटाइन करत हे। जेन पत्रकार ल कोरोना (corona) होय हे, वो मध्यप्रदेश-छत्तीसगढ़ के संगेसंग नेशनल चैनल के घलो ब्यूरो हेड हे।