corona: कोरिया जिला म मिले हे युवती ह कोरोना पाजिटिव, स्वास्थ्य विभाग ह करे हे पुष्टि

जय जोहार…. कोरिया जिला के मनेंद्रगढ़ राजस्थान भवन म क्वारेंटाइन एक युवती के रिपोर्ट ह कोरोना (corona) पाजिटिव आय हे। बतावत जात हे कि युवती ह किर्गिस्तान म मेडिकल के पढ़ई करत हे। युवती ह कुछु दिन पहिले लखनऊ ले सड़क रास्ता ले मनेन्द्रगढ़ पहुंचे रिहिस। संक्रमित युवती के जानकारी मिलत प्रशासन अउ स्वास्थ्य विभाग ह मउके म पहुंच गे हे। मरीज ल कोविड-19 अस्पताल म भर्ती करे गे हे।
गौरतलब है कि छत्तीसगढ़ म बीते 24 घंटा म कोरोना (corona) के 63 नए मरीज ह मिले हैं। ऊहचे राज्य म एक दिन म 100 मरीज मन ह डिस्चार्ज घलो होय हे। प्रदेश म अब कोरोना संक्रमित मरीज मन के कुल संख्या ह 2858 पहुंच गे हे। जेमा ले सक्रिय मामले ह 595 हो गे हे। एति आज छत्तीसगढ़ म कोरोना (corona) ले एक अउ मौत हो गे हे।