जय जोहार…. (Chhattisgarh) रायपुर म सीएम के निवास स्थान म गुरुवार को मन्त्रिपरिषद के बइठक होय हे। एखर अध्यक्षता ल सीएम भूपेश बघेल ह करिन। ए मऊका म कई महत्वपूर्ण निर्णय ले गे हे, जेन निम्न हे:- राज्य सरकार के सभो विभाग के तरफ ले राज्य के प्रदायक ले ही सामग्री क्रय के निर्णय ले गे हे। एखर बर छत्तीसगढ़ शासन भण्डार क्रय नियम 2020 म संशोधन के प्रस्ताव के अनुमोदन करे गिस।
छत्तीसगढ़ (Chhattisgarh) राज्य कृषक कल्याण परिषद के पुनर्गठन के प्रस्ताव के अनुमोदन करे गे हे। गोधन न्याय योजना के तहत उत्पादित वर्मी कम्पोस्ट के विक्रय दर 8 रुपया प्रति किलोग्राम ले बढ़ा के 10 रुपया प्रति किलोग्राम करे के निर्णय ल मन्त्रिपरिषद के तरफ ले अनुसमर्थन करे गिस।
दुर्ग जिला गृह निर्माण समिति राजनांदगांव (मोहन नगर) ल आबंटित नजूल भूमि के पट्टा निष्पादन के अनुमति प्रदान करे गे हे। भारतीय स्टाम्प (छत्तीसगढ़ संशोधन) विधेयक 2020 के प्रारूप के अनुमोदन करे गिस।
(Chhattisgarh) छत्तीसगढ़ भाड़ा नियंत्रण अधिनियम 2011 म संशोधन बर छत्तीसगढ़ भाड़ा नियंत्रण (संशोधन) विधेयक 2020 के प्रस्ताव के अनुमोदन करे गिस। छत्तीसगढ़ अनाधिकृत विकास नियमितीकरण अधिनियम 2002 अऊ छत्तीसगढ़ अनाधिकृत विकास के नियमितीकरण नियम 2002 म संशोधन करे जाय बर मन्त्रिपरिषद उपसमिति के गठन कर प्रस्तावित संशोधन म समिति के अनुशंसा प्राप्त करे के निर्णय ले गिस।
No Comment! Be the first one.