chhattisgarh ; मुख्यमंत्री ले महासमुंद विधानसभा क्षेत्र के प्रतिनिधिमंडल ह करीन सौजन्य मुलाकात
जय जोहार। (chhattisgarh) मुख्यमंत्री भूपेश बघेल ले संसदीय सचिव विनोद चंद्राकर के नेतृत्व में मंगलवार के संझा ओखर निवास कार्यालय परिसर म महासमुंद विधानसभा क्षेत्र के जनप्रतिनिधि मन ह सौजन्य मुलाकात करीन । प्रतिनिधिमंडल ह महासमुंद म 100 सीट के मेडिकल कॉलेज के स्वीकृति मिले म मुख्यमंत्री ल गज माला पहनाके आभार व्यक्त करीन ।
(chhattisgarh) मुख्यमंत्री ह नवा मेडिकल कॉलेज के स्वीकृति मिले म बधाई अउ सुभकामना देत हुये किहीन कि अब छत्तीसगढ़ म डॉक्टर के कमी नई होही । स्वास्थ्य सुविधा के घलो विस्तार होही । राज्य सरकार ह बेहतर स्वास्थ्य सुविधा उपलब्ध कराय बर सतत परयास करत हे ।
मुख्यमंत्री ह किहीन कि छत्तीसगढ़ राज्य के स्थापना के बेरा केवल एक ठीन मेडिकल कॉलेज रिहीन। ओखर बाद 2018 तक कुल 4 मेडिकल कॉलेज संचालित रिहीन । लेकिन बीते साढ़े 3 बछर म (chhattisgarh) राज्य सरकार ह 4 नवा मेडिकल कॉलेज के सुरुआत करे हे । ए अवसर म महिला अउ बाल विकास मंत्री अनिला भेंड़िया, राज्यसभा के पूर्व सांसद छाया वर्मा समेत बड़े संख्या म नागरिक उपस्थित रिहीन।
