जय जोहार । (Raipur ) मुख्यमंत्री भूपेश बघेल ले ओखर निवास कार्यालय म छत्तीसगढ़ मनवा कुर्मी क्षत्रिय समाज के प्रतिनिधिमंडल ह सौजन्य मुलाकात करीन । प्रतिनिधिमंडल ह मुख्यमंत्री ल छत्तीसगढ़ मनवा कुर्मी क्षत्रिय समाज के सामाजिक राज अधिवेसन अउ महाधिवेसन म सामिल होय के न्योता दीन ।
छत्तीसगढ़ मनवा कुर्मी क्षत्रिय समाज के केंद्रीय अध्यक्ष चोवाराम वर्मा ह मुख्यमंत्री ल बताइन कि 11 दिसम्बर ले सामाजिक राज अधिवेसन प्रारम्भ होवत हे अउ 25 फरवरी के पाटन म महाधिवेसन के आयोजन करे जाही ।
मुख्यंमत्री श्री बघेल ह छत्तीसगढ़ मनवा कुर्मी क्षत्रिय समाज के सामाजिक अधिवेसन म आमंत्रण बर धन्यवाद देत हुए अधिवेसन के सफल आयोजन बर सुभकामना दीन । ए अवसर म छत्तीसगढ़ मनवा कुर्मी क्षत्रिय समाज ले के. के. नायक, दशरथ वर्मा, के. पी. नायक, चन्द्रशेखर परगनिहा, रघुनन्दन वर्मा, श्रीमती दुलारी वर्मा उपस्थित रिहीन ।
No Comment! Be the first one.