जय जोहार। छत्तीसगढ़ (chhattisgarh) सासन ह प्रदेस के पांच ठीन सिंचाई परियोजना के काम ल कराय बर 24 करोड़ 90 लाख 23 हजार रुपिया स्वीकृत करे हे । योजना के काम पूरा होय ले 1656 हेक्टेयर क्षेत्र म सिंचाई सुविधा मिल सकही।
कोरिया जिला के खड़गंवा विकासखण्ड अंतर्गत उदनापुर जलासय योजना के मुख्य नहर में सी.सी. नाली निर्माण नहर बेड के सफाई अउ बैंक के ऊंचाई बढ़ाय के काम आर.डी. 1370 मी. ले 3500 मी.अउ माइनर नहर आर.डी. 470 मी. 700 मी.अउ कुलावा फिक्सिंग काम बर तीन करोड़ 44 लाख 94 हजार रुपिया स्वीकृत करे गेहे । योजना के पूरा होय ले 403 हेक्टेयर क्षेत्र म सिंचाई सुविधा मिल सकही।
विकासखण्ड सोनहत म जलासय बांध म सी.सी.चैनल निर्माण काम बर दो करोड़ 41 लाख 23 हजार रुपिया स्वीकृत करे हे। योजना के पूरा होय ले 156 हेक्टेयर क्षेत्र म सिंचाई सुविधा मिल सकही । विकासखण्ड सोनहत के रजौली बांध सी.सी. चैनल निर्माण अउ अन्य काम बर दो करोड़ 91 लाख 52 हजार रुपिया स्वीकृत करे हे। काम के पूरा होय ले 91 हेक्टेयर क्षेत्र में सिंचाई सुविधा मिल सकही।
विकासखण्ड मनेन्द्रगढ़ के खरला व्यपवर्तन योजना के नहर लाईनिंग, पक्का काम अउ मिट्टी काम बर चार करोड़ 20 लाख 39 हजार रुपिया स्वीकृत करे हे । काम के पूरा होय ले 526 हेक्टेयर क्षेत्र म सिंचाई सुविधा मिल सकही । बलरामपुर-रामानुजगंज जिला के विकासखण्ड राजपुर के लवंगपानी जलासय योजना बर 11 करोड़ 92 लाख 15 हजार रुपिया स्वीकृत करे गेहे। काम के पूरा होय ले 480 हेक्टेयर क्षेत्र म सिंचाई सुविधा मिल सकही ।
Other Articles
No Comment! Be the first one.