chhattisgarh : मुख्यमंत्री ले सर्व आदिवासी समाज के प्रतिनिधि मंडल ह करीन सौजन्य मुलाकात, पढ़व

जय जोहार…. (chhattisgarh) मुख्यमंत्री भूपेश बघेल ले आज रईपुर म ओखर निवास कार्यालय म विधानसभा उपाध्यक्ष मनोज मण्डावी के नेतृत्व म सर्व आदिवासी समाज के प्रतिनिधि मंडल ह सौजन्य मुलाकात करीन ।

प्रतिनिधिमंडल ह (chhattisgarh) मुख्यमंत्री ल बताइन कि ओखर घोसना के अनुरूप राजाराव पठार म देवगुड़ी के विकास, शहीद वीर नारायण सिंह के प्रतिमा के स्थापना अउ स्मारक निर्माण, बूढ़ादेव स्थल के विकास बर 65 लाख रुपिया क्र राज्य रासि वीर मेला आयोजन समिति ल प्राप्त हो गेहे । प्रतिनिधि मंडल ह एखर बर मुख्यमंत्री श्री बघेल के प्रति आभार प्रकट करीन ।

उल्लेखनीय हे कि (chhattisgarh) स्वतंत्रता संग्राम सेनानी शहीद वीर नारायण सिंह के बलिदान दिवस के अवसर म पिछले बछर 10 दिसंबर के बालोद जिला के गुरुर विकासखंड के राजाराव पठार म आयोजित वीर मेला म मुख्यमंत्री भूपेश बघेल क 65 लाख रुपिया के रासि आने आने काम बर उपलब्ध कराय के घोसना करे रिहीस ।

ए अवसर म सर्व आदिवासी समाज के प्रदेस अध्यक्ष सोहन पोटाई, वीर मेला आयोजन समिति राजाराव पठार के महासचिव कृष्ण कुमार ठाकुर अउ सदस्य उपस्थित रिहीन ।