जय जोहार। सीएम भूपेश बघेल (CM Bhupesh Baghel) ले आज विधानसभा म ओखर कार्यालय कक्ष म छत्तीसगढ़ राज्य शाकम्भरी बोर्ड के अध्यक्ष रामकुमार पटेल के नेतृत्व म शिवरीनारायण प्रेस क्लब के सदस्य मन ह सौजन्य मुलाकात करीन । वोहा मुख्यमंत्री ल प्रतीक चिन्ह भेंट कर के प्रेस क्लब भवन निर्माण बर रकम स्वीकृत करे बर ओखर आभार व्यक्त करीन ।
गौरतलब हे कि मुख्यमंत्री श्री बघेल ह शिवरीनारायण म अपन भेंट मुलाकात कार्यक्रम के दउरान क्षेत्र के पत्रकार के मांग म प्रेस क्लब भवन के निर्माण बर 50 लाख रुपिया के घोसना करे रिहीन । ए अवसर म प्रेस क्लब शिवरीनारायण के अध्यक्ष मुरली नायर, महासचिव देवेन्द्र यादव, बद्री आदित्य अउ उदय हरवंश घलो उपस्थित रिहीन ।
Other Articles
Next
