जय जोहार । सीएम भूपेश बघेल (CM Bhupesh Baghel) ले ओखर निवास कार्यालय म सरायपाली विधानसभा ले आए बिंझवार जनजाति के एक प्रतिनिधिमंडल ह सौजन्य मुलाकात करीन । ए अवसर म विधायक किस्मत लाल नंद घलो मौजूद रिहीन । प्रतिनिधिमंडल ह मुख्यमंत्री ल मकरसक्रांति के अवसर म सरायपाली म आयोजित मेला म सामिल होय बर आमंत्रित करीन । मुख्यमंत्री ह एखर बर ओमन ल धन्यवाद दीन।
मुख्यमंत्री ले मुलाकात के दउरान पुजारी शोमकर लाल बरिहा ह बताइन कि मकरसक्रांति के दिन शिशुपाल पर्वत के आसपास मेला के आयोजन होत हे । ए दिन पर्वत म विराजमान भगवान शिव अउ नीचे मैदानी भाग म विराजित मां दुर्गा अउ हरियर मां वृंदावासिनी के पूजा अर्चना करे जात हे ।
इस अवसर पर संतोष बरिहा, देवीसिंह बरिहा, डोलामनी बरिहा, मोहोरघु बरिहा, घनीराम बरिहा, सफेद बरिहा, संजय बरिहा, मेगन बरिहा अउ जयकृष्ण बरिहा मौजूद रिहीन ।
