Raipur : मुख्यमंत्री ले गुरु घासीदास साहित्य अउ संस्कृति अकादमी के प्रतिनिधिमंडल ह करीन सौजन्य मुलाकात

जय जोहार। मुख्यमंत्री भूपेश बघेल ले ओखर ( Raipur) निवास कार्यालय म नगरीय प्रसासन मंत्री शिवकुमार डहरिया के नेतृत्व म गुरु घासीदास साहित्य अउ संस्कृति अकादमी के प्रतिनिधिमंडल ह सौजन्य मुलाकात करीन। प्रतिनिधिमंडल ह मुख्यमंत्री ल गुरु घासीदास साहित्य अउ संस्कृति अकादमी के डहार ले स्मृति चिन्ह भेंट करीन ।

वोहा मुख्यमंत्री ल राजधानी रायपुर ( Raipur) के राजेंद्र नगर स्थित गुरु घासीदास साहित्य अउ संस्कृति अकादमी के डहार ले ए बछर गुरु घासीदास जयंती के अवसर म आयोजित कार्यक्रम के विषय म जानकारी दीन। मुख्यमंत्री ह प्रतिनिधिमंडल ल गुरु घासीदास जयंती के बहुत-बहुत बधाई दीन । ए अवसर म गुरु घासीदास साहित्य अउ संस्कृति अकादमी के महासचिव डॉ जे आर सोनी, राज्य अनुसूचित जाति आयोग के अध्यक्ष के पी खांडे, सुंदरलाल जोगी ह उपस्थित रिहीन।